اعتقد ان عنوان المقال غريب ويمكن يصدم ناس كتير بس لازم نقول الحقيقة ....... انها حقا لثورة الفلول !!!!!! ...
طبعا هتسالنى وتقولي ازاى ؟؟؟ الثورة الى راح فيها ما يقارب الف شهيد و7000 مصاب وخلعت الطاغية ازاى تبقى ثورة فلول ؟؟؟
ارد واقولك اهدى متتعصبش شوف دلوقتى احنا مشينا مبارك لكن سيبنا بركاته فى معظم المناصب القيادية
حلينا الحزب الوطنى ... ظهر على الساحة العديد من الاحزاب من عناصر الحزب الوطني مازال فى وزرا عندنا كانوا من اعضاء لجنة السياسات فى الحزب المنحل ......
قانون العزل السياسى او المعروف بقانون الغدر لماذا لم يطبق رغم انه مشروع جدااا ... هتقولى ان السبب انه قانون استثنائى هقولك ان قانون الطوارىء برضه استثنائي بس هما نفذوه عشان يسهلوا إصطياد الثوار
لكن رفضوا القانون الى بيجمد نشاط الفلول ......لانهم هم الفلول !!!
نعم حكومة الثورة من الفلول فا رئيس الوزراء عصام شرف كان فى لجنة السياسات واغلب الوزراء كانوا كذلك
وماتبقى منهم كان من المعارضة الكارتونية ... ازاى تتوقع من حكومة فلول تطبق قانون لتجميد نشاط الفلول ؟!!
عمرنا ما شوفنا واحد بيدى قاتل سلاح عشان يقتله ....... وبما اننا شايفين ان مكاسب الثورة جعلت الفلول فى مناصب اتخاذ القرار فى البلد اذا فهى ثورة الفلول ..
اصبح الان الوقت الذى يجب ان بعترف الثوار بانهم تخلوا عن ثورتهم كلا منهم تركها فى اهم اوقاتها لاهثا وباحثا عن السلطة او منصب او مقعد برلمان ... حتى ولو كان هذا المقعد سيكون بجانب احد الفلول !!
ولكن يجب ان نذكر ان هناك بعض الثوار المكافحون ولكنهم للاسف قلة ولا يملكون سوى سلاح واحد وهو الكفاح والايمان بالله وبثورتهم .... والطرف الاخر وهم الفلول يحاربونهم من اجل فلولية الثورة بكل السبل المتاحة من خلال مناصبهم يستخدمون الاعلام تارة والطوارىء تارة والقضاء العسكري ..الخ الخ
اما باقي الثوار(سابقا ) الذين ساعدوا فى خلع الطاغية يشاهدون هذه الحرب واخوانهم يتم ذبحهم والثورة تضيع
ولا يستطيعون التكلم لانهم مكممة افواهم بقيود المصلحة والبحث عن السلطة بالعكس قد يساعدون فى الذبح لو كان فى مصلحتهم .... كيف يجرؤون على ذلك اليس هؤلاء كانوا جنب الى جنب فى ميدان التحرير ... انسوا انهم بذلوا الشهداء سويا !! .... لهذه الدرجة تعمينا السلطة وتنسينا مبادئنا ........ ليس لدى ما اقول فى النهاية سوى
( لكي الله يا مصر )
بص .. هو معظم كلامك منطقى .. لكنه متشائم زياده عن اللازم مع ان التشائم فى حد ذاته مش مطلوب .. الثوره دى مينفعش تنتهى كده ممكن يكون فى لخبطه دلوقتى و تخبط شديد مقصود او حتى غير مقصود لو افترضنا حسن النيه .. مع كل السلبيات انا متفائل .. متفائل بالشعب متفائل بـ 18 مليون كانوا فى الشوارع غير المؤيدين من الاغلبيه الصامته اللى كل حزب بيحاول يستخدمها كأنها فى صفه و حزب اقصد بيه حزب الثوار او حزب الشيطان "الفلول" .. و ده او لجزء اللى هو فلولية الثوره انما فلولية الحكومه انا معاك فى ان فى وزراء طبعاً مش راضى عنهم تماماً و ان كان من الوزراء معارضين قبل الثوره الا ان المستشارين و كل اللى تحتهم كلهم نفس الوجوه الكئيبه من قبل الثوره و اذا اتكلمنا عن عصام شرف و دا اللى عايز اوصله لان الشخصيه دى لها مكان فى قلبى عجيب .. فعصام شرف استقال من حكومة نظيف بارادته من قبل الثوره بسنين اعتراضاً على سياساتها و اعتقد ان ده يشفع له عندى مع يقينى انه ليس رجل المرحله و مع كل امنياتى انه يستقيل و يصر على استقالته .. اعتقد انه يبقى رئيس وزراء كويس لكن فى فترة استقرار مش بعد ثوره عايزين نغير بيها كل حاجه ...
ردحذفوالله يابو ايمن انا مقصدتش الناس اوى فى الكلام انا بتكلم على النخبة والاحزاب وصدقنى دول الى بيحركوا الناس واغلب الشعب بيممشى وراهم .... اما عصام شرف فدا ليلته ليله ... اولا لانه ضعيف ضعيف جداااا وملوش شخصية ومجرد تابع ازاى ميستقيلش ويجى يقولنا دا مجلس فاسد ويتحامى وسط الشعب الى هيعرف الحقيقة لكن دا خاف وقفل بوقه وقعد ساكت دا اكبر خاين للثورة لانه للاسف كان منها ....... وعلى فكرة يابو ايمن انا مش متشائم بالعكس انا واقعى والواقع لازم نستحمله عشان نعرف نغيره
ردحذف