كنت عايز ايه وقتها ؟؟!!!

وكنت عايز ايه وقتها من بعد ما قولت انى بحبها ومعرفتش ردها ....... جالى الى قالى انبسط دى مش بتكرهك .. بس جيب اهلك وروحلها كنت فرحان فرحة عمرى ما فرحت زيها ........روحت لاهلى فرحان وطاير .. وروحت لابويا وامى واتجمعنا فى دواير وقولتلهم وانا بضحك انا بحب واحدة وقلبى بيها طاير عجبنى فيها حفاظها على نفسها وانها تستنى الحاجة فى وقتها ... قولتلهم دى عايزها ام ولادى اقعد فى بيتى معاها هادى ولما عليها انادى تيجى وتبتسم بسمة تنور حياتى .... استنيت ردهم مجاشى قالوا اهدى دى مراهقة وسن جوازك لسة مجاشى .. عروستك هنجبهالك اختيارنا ولينا نظرة ... انت لسة خام ملكش خبرة .. عيش شبابك وحب كتير ولما تقول يا جواز هتلاقى كلام جديد ... اصلها شكلها مش عيزاك يا واد دى مردتش عليك ولا حتى بجواب ... اصرخ وسط الكلام ادى جزاة الاحترام .....واقول يا امى واقول يابويا ... اسمعوا قلبى الى داب شوفوا الوضع بعدل غاب .... ضحكوا وقالوا عيل شبطان فى لعبة وهيقرفنا ... .طب ياحبيبى لوحدك جبها وشوف مين فينا هيسلملك ... وفضلت فى وسط الخط عطلان ولا عارف اتحرك ... ساكن سكوتى من برة كلامى جوة بيجرح وانا من جرحه بنزف ومن النزيف بعمل ضحكة كانى ولا حاجة بتاثر ..... لكنى فى همى متحسر ..قولت ما يمكن اكون مراهق وفترة وبتاثر وهنسى كام يوم واللوم هيتكسر ..... لقيت اليوم يعدى والنزيف بيزيد .. وكل ما ابطل اشوفها شوقى ليها يزيد ... انام اهرب فى حلمى الاقيها واصحى وكان ايدى فى ايديها ... تيجى تقولى قوم الحب مش لينا ..اقولها ازاى ؟!! ..... تقولى اسال اهالينا :( ...